দেওবাৰে আগবেলা গ্ৰীচৰ সমীপৰ এক দ্বীপ লেচবুজৰ ওচৰত সাগৰীয় ধুমুহাৰ কবলত পৰি নিমখ কঢ়িয়াই নিয়া এখন জাহাজ সমুদ্ৰত ডুব যোৱাত 4জন ভাৰতীয় সহ 13জন জাহাজ কৰ্মী সন্ধানহীন হয় ।
কম’ৰোচ দ্বীপপুঞ্জত পঞ্জীকৃত দ্য ৰেপ্টৰ নামৰ জাহাজখনে ঈজীপ্তৰ পৰা ইস্তানবুললৈ 6,000 টন নিমখ কঢ়িয়াই নিছিল ।
এই জাহাজখনৰ মুঠ কৰ্মচাৰীৰ সংখ্যা আছিল 14 জন । ইয়াৰে আঠ গৰাকী ঈজিপ্টিচিয়ান,চাৰি গৰাকী ভাৰতীয় আৰু দুগৰাকী চিৰিয়ান নাগৰিক ।
দ্য টাইমচ অৱ ইণ্ডিয়াৰ বাতৰিত প্ৰকাশ পোৱা অনুসৰি পুৱা 7 বজাত জাহাজত এক যান্ত্ৰিক বিজুতিয়ে দেখা দিয়ে । সহায়ৰ বাবে বাৰ্তা প্ৰেৰণ কৰাৰ ঠিক কিছু পিছতে লেচবুৰ দক্ষিণ-পশ্চিমত প্ৰায় আঠ কিলোমিটাৰ নিলগত জাহাজখন সমুদ্ৰত ডুব যায় ।