ঘূৰ্ণীবতাহ ডানা ওচৰ চাপি অহাৰ লগে লগে ওড়িশা আৰু পশ্চিম বংগই ঘূৰ্ণীবতাহৰ প্ৰভাৱ কম কৰিবলৈ দুৰ্যোগ ব্যৱস্থাপনাৰ প্ৰচেষ্টা তীব্ৰতৰ কৰি তুলিছে । ভাৰতীয় বতৰ বিজ্ঞান বিভাগৰ তথ্য অনুসৰি অহা ২৫ অক্টোবৰত এই ঘূৰ্ণীবতাহ স্থলভাগত আঘাত কৰাৰ সম্ভাৱনা আছে । বতাহৰ গতিবেগ প্ৰতি ঘণ্টাত ১০০-১২০ কিলোমিটাৰ পৰ্য্ন্ত হ’ব পাৰে বুলি সতৰ্কতা জাৰি কৰা হৈছে । দুয়োখন ৰাজ্যৰ দুৰ্বল উপকূলীয় অঞ্চলৰ পৰা প্ৰায় ১০ লাখ লোকক ইতিমধ্যে সুৰক্ষিত স্থানলৈ স্থানান্তৰ কৰা হৈছে ।
মাছ মৰীয়া নাও সমূহক সাগৰলৈ নেযাবলৈ নিষেধাজ্ঞা জাৰি কৰা হৈছে ।
Subject: Severe Cyclonic storm “DANA” over northwest Bay of Bengal (Cyclone Warning for Odisha and West Bengal coasts: Red Message)
— India Meteorological Department (@Indiametdept) October 24, 2024
The severe cyclonic storm “DANA” (pronounced as Dana) over northwest & adjoining central Bay of Bengal moved north-northwestwards with a speed of… pic.twitter.com/L2RWoUEhg4
বংগোপসাগৰত দ্ৰুতগতিত তীব্ৰতৰ হৈ পৰা ঘূৰ্ণীবতাহ ডানা এতিয়া ওড়িশা উপকূলৰ পৰা মাত্ৰ ২৬০ কিলোমিটাৰ দূৰত্বত অৱস্থিত । ২৫ অক্টোবৰৰ ভিতৰত ওড়িশা আৰু পশ্চিম বংগৰ মাজত স্থলভাগত আঘাত কৰিব লগা ঘূৰ্ণীবতাহ ডানা প্ৰতি ঘণ্টাত ১২০ কিলোমিটাৰ বেগত স্থলভাগৰ দিশে আগবাঢ়িছে । স্থলভাগত আঘাত কৰাৰ পাছত ইয়াৰ গতিবেগ ঘ্টাত ১০০ৰ পৰা ১২০ কিলোমিটাৰ পৰ্যন্ত হ’ব পাৰে বুলি সতৰ্কতা জাৰি কৰা হৈছে। অতি ধ্বংসাত্মক ৰূপ ল’ব পৰা এই ঘূৰ্ণীবতাহৰ ফলত সৃষ্টি হ’ব পৰা প্ৰচণ্ড বৰষুণ, আৰু সম্ভাৱ্য বানপানীৰ প্ৰতি লক্ষ্য ৰাখি দুয়োখন ৰাজ্যতে ৰেড এলাৰ্টত জাৰি কৰা হৈছে । ইতিমধ্যে উপকুলৱৰ্তী এলেকা সমূহ খালী কৰা হৈছে আৰু বিদ্যালয় সমূহ বন্ধ কৰা হৈছে । ধুমুহা কাষ চাপি অহাৰ লগে লগে বাসিন্দাসকলে ভয়াৱহ প্ৰভাৱৰ বাবে সাজু হৈছে ।
ওড়িশা চৰকাৰে অস্থায়ী শিবিৰৰ বাবে ঘূৰ্ণীবতাহ আৰু বানপানীৰ পৰা ৰক্ষা পাবলৈ বহুমুখী আশ্ৰয় শিবিৰ চিনাক্ত কৰিছে । লগতে এই শিবিৰ সমূহত ফলত খাদ্য, পানী, আৰু স্বাস্থ্যসেৱাৰ ব্যৱস্থা নিশ্চিত কৰা হৈছে । পশ্চিম বংগেইও একেধৰণৰ আশ্ৰয় শিবিৰ প্ৰস্তুত কৰাৰ লগতে ক্ষতিগ্ৰস্ত হ’ব পৰা জিলাসমূহৰ বিদ্যালয়সমূহ বন্ধ কৰি দিছে । ৰাষ্ট্ৰীয় দুৰ্যোগ সঁহাৰি বাহিনী(NDRF)কে ধৰি উদ্ধাৰকাৰী দলসমূহক সষ্টম (হাই এলাৰ্ট) কৰি ৰখা হৈছে । দুয়োখন ৰাজ্যই আগতীয়া সতৰ্কতা আৰু সাৱধানতা ব্যৱস্থাৰ জৰিয়তে হতাহত আৰু ক্ষতি কম কৰাত মনোনিৱেশ কৰিছে।
ওড়িশাৰ আটাইতকৈ দুৰ্বল জিলাসমূহৰ ভিতৰত আছে পুৰী, ভদ্ৰক, বালাছ’ৰ, কটক, আৰু জগতসিংহপুৰ। পশ্চিম বংগত দক্ষিণ ২৪ পৰগনা, উত্তৰ ২৪ পৰগনা, আৰু পূৰ্ব মেদিনীপুৰ জিলাৰ লগতে চুবুৰীয়া অঞ্চল যেনে হুগলী, বাংকুৰা, ঝাৰগ্ৰাম আদি জিলাসমূহো যথেষ্ট প্ৰভাৱিত হোৱাৰ সম্ভাৱনা আছে।
হিন্দুস্তান টাইমচৰ বাতৰি অনুসৰি এই অঞ্চল সমূহৰ বাসিন্দাসকলক ঘৰৰ ভিতৰতে থাকিবলৈ আৰু অতি প্ৰয়োজন নহ’লে ভ্ৰমণ পৰিহাৰ কৰিবলৈ, অত্যাৱশ্যকীয় সামগ্ৰী মজুত কৰি ৰাখিবলৈ চৰকাৰে পৰামৰ্শ দিছে ।
ঘূৰ্ণীবতাহৰ বাবে কেৱল ওড়িশাতে ১৯৭খন ৰে’লকে ধৰি প্ৰায় ২০০খন ৰে’ল সেৱা বাতিল কৰা হৈছে। অহা কেইদিনমানৰ ভিতৰত ৰে’ল ডাইভাৰ্চনৰ আশংকাও আছে। বিমান সেৱাও একেদৰেই প্ৰভাৱিত হৈছে । ঘূৰ্ণীবতাহৰ পথৰ পোনে পোনে থকা অঞ্চলসমূহত বিঘিনি ঘটাৰ সম্ভাৱনা থকাৰ বাবে বিমান সেৱাও বাতিল কৰা হৈছে ।
২০২৪ চনৰ ২৫ অক্টোবৰত ডানা ঘূৰ্ণীবতাহৰ ফলত ওড়িশা আৰু পশ্চিম বংগ দুয়োখন দেশতে প্ৰভাৱ পৰিব।
মিণ্টত প্ৰকাশ পোৱা বাতৰি অনুসৰি কৰ্তৃপক্ষই বহু জিলাত বিদ্যালয় বন্ধ কৰা আৰু দুৰ্বল অঞ্চল খালী কৰাকে ধৰি ব্যাপক ব্যৱস্থা গ্ৰহণ কৰিছে আৰু প্ৰায় ১০ লাখ লোকক সাহায্য শিবিৰলৈ স্থানান্তৰিত কৰাৰ সম্ভাৱনা আছে ।
ঘূৰ্ণীবতাহ ডানাৰ আগতীয়া ভাবুকিৰ প্ৰতি লক্ষ্য ৰাখি কলকাতা বিমানবন্দৰ কৰ্তৃপক্ষই যাত্ৰী আৰু কৰ্মীৰ সুৰক্ষা নিশ্চিত কৰাৰ বাবে নিৰ্ণায়ক ব্যৱস্থা গ্ৰহণ কৰিছে । ২৪ অক্টোবৰ বৃহস্পতিবাৰে সন্ধিয়া ৬ বজাৰ পৰা ২৫ অক্টোবৰ শুকুৰবাৰে পুৱা ৯ বজালৈকে ১৫ ঘণ্টাৰ বাবে বিমান সেৱা বন্ধ কৰা হৈছে । অঞ্চলটোত প্ৰচণ্ড বতাহ আৰু প্ৰচণ্ড বৰষুণৰ ভৱিষ্যদ্বাণী কৰা হৈছে ।
ভাৰতীয় বিমানবন্দৰ কৰ্তৃপক্ষৰ এগৰাকী মুখপাত্ৰই পশ্চিম বংগৰ কলকাতা আৰু ইয়াৰ আশে-পাশে থকা উপকূলীয় অঞ্চলসমূহৰ ভয়াৱহ বতৰৰ ভয়াৱহ পৰিস্থিতিৰ উদ্ধৃতি দি এই সিদ্ধান্ত নিশ্চিত কৰে। মুখপাত্ৰগৰাকীৰ মতে, “ঘূৰ্ণীবতাহ ডানাৰ সম্ভাৱ্য প্ৰভাৱৰ বাবে বিশেষকৈ প্ৰচণ্ড বতাহ আৰু প্ৰচণ্ড বৰষুণৰ পূৰ্বাভাসৰ বাবে বিমান সেৱা বন্ধ কৰাৰ পৰিকল্পনা সুৰক্ষাৰ ব্যৱস্থা হিচাপে কৰা হৈছে।”
এই বাতিল কৰণ ঘূৰ্ণীবতাহৰ প্ৰক্ষেপিত পথত থকা সমগ্ৰ পশ্চিম বংগ আৰু ওড়িশাত গ্ৰহণ কৰা ব্যাপক সাৱধানতাৰ অংশ। দুয়োখন ৰাজ্যই যথেষ্ট ব্যাঘাতৰ বাবে সাজু হৈছে । খালী কৰা প্ৰক্ৰিয়া, বিদ্যালয় বন্ধ কৰা, আৰু ৰে’লৱেকে ধৰি পৰিবহণ সেৱা ব্যাহত হৈ পৰাত জন-জীৱনৰ ওপৰত যথেষ্ট প্ৰভাৱ পৰিছে।