মিছাইল আক্ৰমণৰ প্ৰতিক্ৰিয়াত ইৰাণৰ সামৰিক সুবিধাসমূহত ইজৰাইলৰ ১০০খন জেটৰ আক্ৰমণ
বৰহোলা, ২৬ অক্টোবৰ, ২০২৪ –পুৱতি নিশা অতি নিখুঁত আৰু এক তীব্ৰ সামৰিক অভিযানৰ দ্বাৰা ইজৰাইলে ইৰাণৰ সামৰিক সুবিধাসমূহক লক্ষ্য কৰি বিমান আক্ৰমণ চলায় । এই আক্ৰমণ শেহতীয়াকৈ ১ অক্টোবৰত ইৰাণৰ দ্বাৰা ইজৰাইলৰ ওপৰত কৰা ক্ষেপণাস্ত্ৰ আক্ৰমণৰ প্ৰতিক্ৰিয়া । এই ঘটনাৰ পিছতে পশ্চিম এচিয়াত উত্তেজনা বৃদ্ধি পাইছে । আঞ্চলিক আৰু বিশ্ব সম্প্ৰদায়ে এই নতুন উন্নয়ণ নিৰীক্ষণ কৰি আছে ।
দ্য হিন্দুত প্ৰকাশ পোৱা বাতৰি অনুসৰি শনিবাৰে (২০২৪ চনৰ ২৬ অক্টোবৰ) পুৱা ইৰাণৰ বিৰুদ্ধে ইজৰাইলে প্ৰত্যাক্ৰমণ চলায় আৰু ইজৰাইলৰ ওপৰত তেহৰানে কৰা আক্ৰমণৰ প্ৰতিক্ৰিয়া স্বৰূপে সামৰিক লক্ষ্যৰ বিৰুদ্ধে আক্ৰমণ চলাইছে বুলি ইজৰাইলী সেনাই জনায় ।
ইজৰাইলৰ প্ৰতিশোধমূলক ব্যৱস্থা
চলিত মাহৰ আৰম্ভণিতে ইৰাণে ইজৰাইলৰ ওপৰত বেলিষ্টিক মিছাইল ক্ষেপণাস্ত্ৰ নিক্ষেপনৰ দ্বাৰা এটাৰ পিছত এটাকৈ প্ৰায় ২০০টা আক্ৰমণৰ কৰাৰ পিছত ইজৰাইলৰ প্ৰতিৰক্ষা বাহিনীয়ে (আইডিএফ) আজি ইৰাণৰ কৌশলগত স্থানসমূহক লক্ষ্য কৰি আক্ৰমণ কৰাৰ কথা ঘোষণা কৰে। আইডিএফে ইৰাণৰ ক্ষেপণাস্ত্ৰ নিৰ্মাণৰ সুবিধাসমূহ সফলতাৰে ধ্বংস কৰাৰ বাতৰি প্ৰকাশ কৰিছে । বিগত এটা বছৰত ইজৰাইলৰ বিৰুদ্ধে চলি থকা শত্ৰুতাত তেহৰানে এই ক্ষেপণাস্ত্ৰ নিৰ্মাণৰ সুবিধাসমূহ ব্যৱহাৰ কৰা বুলি অভিযোগ উত্থাপন হৈছিল ।
সামৰিক দক্ষতা প্ৰদৰ্শন কৰি ইজৰাইলে উন্নত এফ-৩৫আই জেট বিমানকে ধৰি ১০০খন বিমান নিয়োগ কৰি ইৰাণৰ ক্ষেপণাস্ত্ৰ আৰু ড্ৰোন উৎপাদন স্থানত তিনিটা পৰ্য্যায়ত আক্ৰমণ চলায় । অতি পুৱতি নিশাতে চলা এই আক্ৰমণৰ কোনো প্ৰতিক্ৰিয়া ইৰাণৰ ফালৰ পৰা এতিয়ালৈকে প্ৰকাশ কৰা হোৱা নাই । ইজৰাইলৰ সামৰিক সূত্ৰৰ মতে, এই অভিযান অসামৰিক অঞ্চলৰ ক্ষতি এৰাই চলিবলৈ নিখুঁত আৰু কৌশলগতভাৱে ডিজাইন কৰা হৈছিল যাতে প্ৰত্যক্ষ ভাবুকি নিষ্ক্ৰিয় আৰু সমান্তৰাল ক্ষতি কম কৰি ইজৰাইলৰ লক্ষ্য পূৰণ হয় ।
আইডিএফৰ মুখপাত্ৰ আৰএডিএম. ডেনিয়েল হাগাৰীয়ে দিয়া ভিডিও বাৰ্ত্তাত কয় যে-“মই এতিয়া নিশ্চিত কৰিব পাৰোঁ যে আমি ইজৰাইলৰ বিৰুদ্ধে ইৰাণৰ আক্ৰমণৰ প্ৰতি ইজৰাইলী সঁহাৰিৰ সিদ্ধান্ত লৈছো। আমি ইৰাণৰ সামৰিক লক্ষ্যত সঠিক আৰু নিখুঁত আক্ৰমণ চলাইছিলো ।”
“I can now confirm that we have concluded the Israeli response to Iran’s attacks against Israel. We conducted targeted and precise strikes on military targets in Iran — thwarting immediate threats to the State of Israel.”
— Israel Defense Forces (@IDF) October 26, 2024
Watch IDF Spokesperson RAdm. Daniel Hagari talk about the… pic.twitter.com/1OOss3etpV
উত্তেজনা হ্ৰাসৰ বাবে আমেৰিকাৰ আহ্বান
অভিযান আৰম্ভ হোৱাৰ লগে লগে ৰাষ্ট্ৰপতি জো বাইডেন আৰু ৰাষ্ট্ৰীয় নিৰাপত্তা উপদেষ্টা জেক চুলিভানক বাস্তৱ সময়ত সঠিক খবৰ দি থকা হৈছিল। হোয়াইট হাউছে পৰিস্থিতি নিবিড়ভাৱে নিৰীক্ষণ কৰি আছিল । ইজৰাইলৰ উদ্দেশ্যৰ সৈতে সংগতি ৰাখি আমেৰিকাৰ জ্যেষ্ঠ বিষয়াসকলে ব্যাপক সংঘাতৰ পৰা হাত সাৰিবলৈ “আনুপাতিক” সঁহাৰিৰ ওপৰত গুৰুত্ব আৰোপ কৰি সংযমৰ পৰামৰ্শ দিছে । ইৰাণক প্ৰতিশোধমূলক পদক্ষেপৰ বিৰুদ্ধেও সকীয়াই দি আমেৰিকাই পুনৰ কয় যে অধিক ব্যৱস্থা গ্ৰহণৰ ফলত তেহৰাণৰ বাবে গুৰুতৰ পৰিণতি হ’ব পাৰে।
অপাৰেচনৰ তাৎপৰ্য্য
বৰ্তমানৰ ইজৰাইলৰ অভিযানে ইজৰাইলৰ ৰাষ্ট্ৰীয় নিৰাপত্তা সুৰক্ষিত কৰাৰ দিশত স্থিতিক আলোকপাত কৰাই নহয়, পশ্চিম এছিয়াৰ সামৰিক পৰিৱেশৰ এক উল্লেখযোগ্য পৰিৱৰ্তনকো ই উজ্জ্বলাই তুলিছে। ইৰাণৰ ক্ষেপণাস্ত্ৰ আৰু ড্ৰ’ন উৎপাদনক লক্ষ্য কৰি ইৰাণে ইজৰাইলক প্ৰত্যক্ষভাৱে আক্ৰমণ কৰাৰ বা অঞ্চলটোত প্ৰক্সি বাহিনীক সমৰ্থন কৰাৰ ক্ষমতাক বিঘ্নিত কৰাৰ লক্ষ্য কৰি লৈছে ইজৰাইলে। ইজৰাইলৰ বাবে এই আগতীয়াকৈ পদক্ষেপ লোৱা কাৰ্য্যসমূহ আত্মৰক্ষাৰ অধিকাৰৰ দাবী, তথাপিও ইৰাণ আৰু অন্যান্য সম্ভাৱ্য বিৰোধীসকলৰ বাবে ই আগ্ৰাসনৰ বাবে ভৰিব লগা খৰচৰ এক স্পষ্ট বাৰ্তা হিচাপে কাম কৰিছে ।
আঞ্চলিক আৰু বিশ্বব্যাপী প্ৰতিক্ৰিয়া
এই উত্তেজনা বৃদ্ধিয়ে আন্তঃৰাষ্ট্ৰীয় সম্প্ৰদায়ৰ মাজলৈ এক জোঁকাৰণিৰ ঢৌ প্ৰেৰণ কৰিছে । বিশ্লেষকসকলে এই ঘটনাৰ আঞ্চলিক স্থিতিশীলতাৰ বাবে সম্ভাৱ্য প্ৰভাৱৰ সতৰ্কবাণী দিছে । মিত্ৰশক্তিৰ সৈতে আমেৰিকাই আশা কৰিছে যে ইজৰাইলৰ এই নিৰ্ণায়ক পদক্ষেপে দুয়োখন ৰাষ্ট্ৰৰ মাজত শত্ৰুতাৰ শেহতীয়া পৰ্য্যাবৃত্তৰ অন্ত পেলাব । কিন্তু ইৰাণৰ সম্ভাৱ্য সঁহাৰিৰ ওপৰত প্ৰশ্ন ৰৈ গৈছে । কিয়নো মধ্যপ্ৰাচ্যৰ এই দ্ৰুতগতিত বিকশিত হোৱা পৰিঘটনাত বিশ্ব সম্প্ৰদায়ে ইয়াৰ পিছত কি ঘটে তাৰ বাবে ৰুদ্ধ শ্বাসে অপেক্ষা কৰিছে ।
দুয়োপক্ষৰ সামৰিক কৌশল তীব্ৰতৰ হোৱাৰ লগে লগে বিশ্বই চকু ৰাখিছে যে অনাগত দিনত ইজৰাইল আৰু ইৰাণে এই উচ্চ বাজিৰ উত্তেজনাৰ মাজেদি কেনেকৈ গতি কৰে ।