উত্তৰ গাজাত “নৰ সংহাৰ” : ইজৰাইলৰ বিমান আক্ৰমণত ৫০ টা শিশুকে ধৰি ৮৪ জনতকৈ অধিক পেলেষ্টাইনী লোকৰ মৰ্মান্তিকভাবে মৃত্যু

বৰহোলা,২ নৱেম্বৰ ২০২৪ : উত্তৰ গাজাৰ আৱাসিক অট্টালিকাত কৰা ইজৰাইলৰ দুটা বিমান আক্ৰমণত ৫০ টা শিশুকে ধৰি ৮৪ জনতকৈ অধিক পেলেষ্টাইনী লোকৰ মৰ্মান্তিকভাবে মৃত্যু হৈছে । গাজাৰ চৰকাৰী মিডিয়া কাৰ্যালয়ে এই কথা ঘোষণা কৰিছে । এই আক্ৰমণক বিষয়াসকলে “বৰ্বৰ নৰসংহাৰ” বুলি অভিহিত কৰিছে । আল জাজিৰাত প্ৰচাৰিত বাতৰি অনুসৰি উত্তৰ গাজাৰ আৱাসিক অট্টালিকাত ইজৰাইলৰ বিমান আক্ৰমণত ৫০ টা শিশুকে ধৰি ৮৪ জনতকৈ অধিক পেলেষ্টাইনী লোকৰ মৰ্মান্তিকভাবে মৃত্যু হৈছে । এই অঞ্চলসমূহৰ পৰিয়ালসমূহে এতিয়া স্থানচ্যুতিৰ অতিৰিক্ত ভাবুকিৰ সন্মুখীন হৈছে আৰু ঘৰ-দুৱাৰ এৰি পলায়ণ কৰিব লগা হৈছে । বহুতে নিৰাপদ অঞ্চলৰ অভাৱৰ পিছতো আশ্ৰয় বিচাৰি দক্ষিণ দিশলৈ পলায়ন কৰিছে। এই ঘটনাই দুয়ো পক্ষৰ মাজত বৃদ্ধি পোৱা সংঘাতত অসামৰিক লোকৰ মৃত্যুৰ গভীৰ হাৰক আলোকপাত কৰিছে । অৱনতি ঘটা পৰিস্থিতিৰ প্ৰতি সঁহাৰি জনাই আমেৰিকাই মধ্যপ্ৰাচ্যত নৌসেনাৰ যুদ্ধজাহাজ, জেট যুঁজাৰু বিমান, আৰু দীৰ্ঘ দূৰত্বৰ বোমাৰু বিমানকে ধৰি অতিৰিক্ত সামৰিক সৰঞ্জাম নিয়োগ কৰাৰ পৰিকল্পনা নিশ্চিত কৰিছে, যাৰ লক্ষ্য হৈছে অঞ্চলটোক সুস্থিৰ কৰি তোলা আৰু অধিক হিংসাত্মক পৰিস্থিতি ৰোধ কৰা।

গাজা আৰু লেবাননত এতিয়া ব্যাপক ধ্বংস আৰু মৃত্যুৰ কিৰিলি

ইজৰাইল আৰু পেলেষ্টাইনৰ মাজত চলি থকা সংঘাতৰ ফলত সমগ্ৰ গাজা আৰু লেবাননত ব্যাপক ধ্বংস আৰু সাধাৰণ নাগৰিকৰ ভয়াৱহ মৃত্যু হৈছে। ক্ৰমাৎ বৃদ্ধি পোৱা মৃত্যু আৰু আন্তঃগাঁথনিৰ জটিল ক্ষতিৰ বাতৰিৰ লগে লগে মানৱীয় সংকট গভীৰ হৈ আহিছে, যাৰ ফলত বিশ্বজুৰি উদ্বেগ বৃদ্ধি পাইছে ।

গাজাত তীব্ৰতৰ হোৱা আক্ৰমণত পেলেষ্টাইনীৰ মৃত্যুৰ সংখ্যা বৃদ্ধি

গাজাৰ স্বাস্থ্য কৰ্তৃপক্ষই প্ৰকাশ কৰা তথ্য অনুসৰি ২০২৩ চনৰ ৭ অক্টোবৰৰ পৰা গাজাত চলি থকা ইজৰাইলৰ সামৰিক অভিযানৰ ফলত আনুমানিক ৪৩,২৫৯ জন পেলেষ্টাইনী লোকৰ মৃত্যু আৰু ১০১,৮২৭ জনতকৈ অধিক লোক আহত হৈছে। এই ক্ষতিৰ সন্মুখীন হৈছে ৭ অক্টোবৰত হামাছৰ নেতৃত্বত ইজৰাইলত চলোৱা আক্ৰমণৰ পিছত , য’ত ১১৩৯ জন ইজৰাইলী নিহত হৈছিল আৰু বাতৰি অনুসৰি ২০০ৰো অধিক সাধাৰণ নাগৰিকক পণবন্দী কৰি ৰখা হৈছিল । মৃত্যুৰ সংখ্যাধিক্যই গাজাৰ ভিতৰৰ নগৰীয়া অঞ্চলসমূহক লক্ষ্য কৰি চলোৱা অসংখ্য আকাশ আৰু স্থল অভিযান দ্বাৰা সংঘাতৰ উল্লেখযোগ্য পৰিসৰ প্ৰতিফলিত কৰে।

লেবাননত বৃদ্ধি পাইছে অসামৰিক মৃত্যুৰ সংখ্যা আৰু ব্যাপক আক্ৰমণ

সীমান্তৰ সিপাৰে লেবাননলৈকে বিয়পি পৰা এই সংঘাতত, ইজৰাইলৰ বিমান আক্ৰমণত কমেও ২,৮৯৭ জন লোকৰ মৃত্যু হোৱাৰ লগতে ১৩,১৫০ জন লোক আহত হৈছে । কেৱল যোৱা ২৪ ঘণ্টাত লেবাননৰ স্বাস্থ্য মন্ত্ৰালয়ে নতুনকৈ ৩০ জন লোকৰ মৃত্যুৰ বাতৰি প্ৰকাশ কৰিছে। এই আক্ৰমণৰ বহুকেইটা আক্ৰমণে বেকা উপত্যকা(Bekaa Valley) আৰু দক্ষিণৰ টাইৰে (city of Tyre) চহৰক লক্ষ্য কৰি লৈছে, যিবোৰ অঞ্চল আটাইতকৈ গুৰুতৰ বোমাবৰ্ষণৰ সন্মুখীন হৈছে।
লেবাননৰ বিষয়াসকলে জনাইছে এই অঞ্চলসমূহত আৱাসিক চুবুৰী, আন্তঃগাঁথনি আৰু জৰুৰীকালীন সেৱাৰ ধ্বংসলীলাৰ ফলত সাধাৰণ নাগৰিকসকলৰ বাবে নিৰাপদ আশ্ৰয় বিচাৰি পোৱা বা পৰ্যাপ্ত চিকিৎসা সেৱা লাভ কৰাটো ক্ৰমান্বয়ে কঠিন হৈ পৰিছে।

মধ্যপ্ৰাচ্যত আমেৰিকাৰ সামৰিক উপস্থিতি বৃদ্ধি

বৃদ্ধি পোৱা শত্ৰুতাৰ প্ৰতি সঁহাৰি জনাই আমেৰিকাই এই অঞ্চলত সামৰিক উপস্থিতি বৃদ্ধি কৰাৰ পৰিকল্পনা ঘোষণা কৰিছে। আমেৰিকান বাহিনীয়ে নৌসেনাৰ যুদ্ধজাহাজ, যুঁজাৰু বিমান আৰু দীৰ্ঘ দূৰত্বৰ বোমাৰু বিমান নিয়োগ কৰি অধিক হিংসাৰ প্ৰতিৰোধক হিচাপে কাম কৰিব। পেন্টাগনৰ এজন বিষয়াই কয় যে যদিও অধিক প্ৰৰোচিত নকৰালৈকে আমেৰিকান বাহিনীয়ে প্ৰতিৰক্ষামূলক ব্যৱস্থাৰ ওপৰত মনোনিৱেশ কৰি আছে ,এই নিয়োগৰ লক্ষ্য হৈছে মধ্যপ্ৰাচ্যক সুস্থিৰ কৰা ।

ইজৰাইলৰ বোমাবৰ্ষণত গাজা আৰু লেবানন ধ্বংসস্তূপ

গাজাত ইজৰাইলৰ আক্ৰমণে মধ্য গাজা পটিৰ নুচেইৰাট শৰণাৰ্থী শিবিৰ(Nuseirat refugee camp)ৰ দৰে অঞ্চল ধ্বংস কৰিছে, য’ত সাধাৰণ নাগৰিকে যুদ্ধ বিমান, ড্ৰ’ন, আৰ্টিলাৰীৰ পৰা প্ৰচণ্ড বোমাবৰ্ষণৰ সন্মুখীন হৈছে । নুচেইৰাট আৰু চুবুৰীয়া বেইট লাহিয়া(Beit Lahiya)ৰ বাসিন্দাসকলে তেওঁলোকৰ চুবুৰীসমূহক “থানবান হোৱা চিত্ৰ” বুলি বৰ্ণনা কৰিছে । অহৰহ বাৰে বাৰে হোৱা বোমা বিস্ফোৰণ আৰু গোলাবৰ্ষণৰ বাবে বহুতে ওচৰৰ চহৰ যেনে ডেইৰ এল-বালাহ(Deir el-Balah) আৰু মাগাজী(Maghazi)লৈ পলায়ন কৰিবলগীয়া হৈছে । কিন্তু বাতৰি অনুসৰি এই চহৰসমূহকো ইজৰাইলৰ ড্ৰ’ন আৰু স্থল বাহিনীয়ে লক্ষ্য কৰি লৈছে।

লেবাননতো সমান্তৰাল পৰ্যায়ৰ ধ্বংস দেখা গৈছে। বেকা উপত্যকাক তীব্ৰভাৱে লক্ষ্য কৰি লোৱা হৈছে আৰু ইজৰাইলী বাহিনীয়ে শেহতীয়াকৈ সাধাৰণ নাগৰিকসকলক সেই অঞ্চললৈ ঘূৰি নাহিবলৈ সতৰ্কবাণী জাৰি কৰিছে। বাসিন্দাসকলক বিশেষ সতৰ্কবাণী নিদিয়াকৈ টায়াৰে চহৰতো একাধিক বিমান আক্ৰমণ কৰা হৈছে, । লেবাননৰ বহু সাধাৰণ নাগৰিকে উভতি আহি নিজৰ ঘৰ সম্পূৰ্ণৰূপে ধ্বংস হোৱা বুলি জনাইছে। আলজাজিৰাত এই বাতৰি প্ৰকাশ ।

সংঘাতৰ মাজতে পুনৰ গণ পলিঅ’ টিকাকৰণ অভিযান

মানৱীয় সংগঠনসমূহে গাজাত ইজৰাইলৰ অবিৰত বিমান আক্ৰমণ আৰু ব্যাপক স্থানচ্যুতিৰ বাবে পূৰ্বে স্থবিৰ হৈ পৰা গণ পলিঅ’ টিকাকৰণ অভিযান পুনৰ আৰম্ভ কৰাৰ কথা ঘোষণা কৰিছে। স্বাস্থ্য বিষয়াসকলে সকীয়াই দিছে যে জনস্বাস্থ্য সেৱাত দীৰ্ঘদিন ধৰি বাধা সৃষ্টি হৈ থাকিলে প্ৰতিৰোধযোগ্য ৰোগৰ প্ৰাদুৰ্ভাৱ হ’ব পাৰে। যুদ্ধৰ ফলত সৃষ্টি হোৱা নিৰাপত্তাজনিত উদ্বেগ আৰু লজিষ্টিক প্ৰত্যাহ্বানৰ মাজতো সংঘাতৰ ফলত আটাইতকৈ বেছি ক্ষতিগ্ৰস্ত শিশুসকলৰ ওচৰলৈ যোৱাৰ লক্ষ্যৰে এই টিকাকৰণ অভিযান পুনৰ আৰম্ভ কৰা হৈছে ।

লেবাননত সামৰিক অভিযান বৃদ্ধিৰ মাজতে ইজৰাইলৰ ৰাজহুৱা সতৰ্কবাণী জাৰি

ইজৰাইলৰ সেনাই লেবাননৰ বেকা উপত্যকাৰ সাধাৰণ নাগৰিকক সতৰ্কবাণী জাৰি কৰি সামৰিক অভিযান চলি থকা অঞ্চলত থকা ঘৰলৈ উভতি নাযাবলৈ পৰামৰ্শ দিয়ে। সামৰিক বিষয়াসকলে জনোৱা মতে, সন্দেহযুক্ত উগ্ৰপন্থীৰ দুৰ্গসমূহক লক্ষ্য কৰি অভিযান অব্যাহত থকাৰ সম্ভাৱনা আছে, অনাগত দিনত আৰু অধিক বিমান আৰু আৰ্টিলাৰী আক্ৰমণৰ সম্ভাৱনা আছে। সামৰিক বিশ্লেষকসকলৰ মতে, অসামৰিক স্থানচ্যুতিৰ এই কৌশল নিৰ্দিষ্ট অঞ্চলত উগ্ৰপন্থীৰ উপস্থিতি দুৰ্বল কৰাৰ বহুল কৌশলৰ অংশ ।

মধ্য ইজৰাইলত ৰকেট আক্ৰমণ আৰু অসামৰিক লোকৰ মৃত্যু

শত্ৰুতা অব্যাহত থকাৰ মাজতে কেন্দ্ৰীয় ইজৰাইলতো ৰকেট আক্ৰমণৰ সন্মুখীন হৈছে। ইজৰাইলৰ আৰক্ষীয়ে নিশ্চিত কৰিছে যে টেল আভিভ(Tel Aviv)ৰ উত্তৰ-পূবৰ হাছাৰনত ৰকেট আক্ৰমণৰ ফলত ১৯ জন সাধাৰণ নাগৰিক আহত হৈছে । ইয়াৰ উপৰিও টেল আভিভৰ উত্তৰ-পূব দিশৰ টিৰা(Tira)ৰ এটা আৱাসী বিল্ডিঙত ৰকেটে আঘাত কৰে আৰু ১১ জন সাধাৰণ নাগৰিক আহত হয়। ইজৰাইলৰ আইৰন ড’ম মিছাইল ডিফেন্স চিষ্টেমে(Iron Dome missile defense system) কিছুমান ৰকেটক বাধা দিছিল যদিও সকলো প্ৰজেক্টাইলক সফলতাৰে বাধা দিব পৰা নাছিল।
ইজৰাইলৰ সেনাই লেবাননৰ পৰা তিনিটা ৰকেট উৎক্ষেপণৰ খবৰ দিয়াৰ ফলত বিভিন্ন চহৰত চাইৰেন বাজি উঠে । এই উত্তেজনা বৃদ্ধিয়ে সীমাৰ ইপাৰ-সিপাৰ অতিক্ৰম কৰি শত্ৰুতা যথেষ্ট বৃদ্ধি কৰিছে । লেবানন ভিত্তিক উগ্ৰপন্থী সংগঠনসমূহে গাজা আৰু দক্ষিণ লেবাননত ইজৰাইলে কৰা আক্ৰমণৰ প্ৰতিশোধ লোৱা বুলি জানিব পৰা গৈছে।

আন্তঃৰাষ্ট্ৰীয় যুদ্ধবিৰতি আৰু মানৱীয় সাহায্যৰ আহ্বান

মৃত্যুৰ সংখ্যা বৃদ্ধি আৰু স্থানচ্যুতি বৃদ্ধি পোৱাৰ লগে লগে আন্তঃৰাষ্ট্ৰীয় সংস্থা আৰু মানৱ অধিকাৰৰ সমৰ্থকসকলে শীঘ্ৰে যুদ্ধবিৰতিৰ আহ্বান জনাইছে। ৰাষ্ট্ৰসংঘই দুয়োপক্ষকে শত্ৰুতা বন্ধ কৰি ক্ষতিগ্ৰস্ত জনসাধাৰণৰ বাবে মানৱীয় সাহায্যক অগ্ৰাধিকাৰ দিবলৈ আহ্বান জনাইছে। সমগ্ৰ গাজাত চিকিৎসা সামগ্ৰীৰ যোগান, খাদ্য আৰু পানীৰ সাংঘাতিক ৰূপত অভাৱ হৈছে ।
বৃদ্ধি পোৱা অসামৰিক লোকৰ মৃত্যু আৰু মানৱীয় সাহায্যৰ সুবিধাৰ অভাৱৰ বাবে মধ্যপ্ৰাচ্যৰ অন্যান্য ৰাষ্ট্ৰসমূহে উদ্বেগ প্ৰকাশ কৰিছে । ইয়াৰ ফলত পৰিস্থিতি বৃহত্তৰ আঞ্চলিক সংঘাতলৈ পৰিণত হ’ব পাৰে বুলি পৰ্যবেক্ষকসকলে আশংকা কৰিছে।